2013/十二月日本大阪京都奈良四日三夜之旅行程

2013/十二月日本大阪京都奈良四日三夜之旅

幾經辛苦終於打完澳洲塔斯曼尼亞嘅十幾篇文章，我覺得我自己相比以前yahoo blog果陣寫得好慢，唔好以為我呢幾個月停止咗去旅行，其實我仲有好多個小旅行未寫架，真係要急起直追啊!

因為搶到廉航平機票，所以趕在2013年末會再去多個小旅行，今次嘅目的地係大阪京都奈良！呢幾個地方我想去好耐喇，原因一，日本向來保證好玩好買好食，而家yen又愈跌愈平，近近地嘅話日本係不二之選！原因二係之前見過好多同事去過見京都有得著和服，我覺得好靚我又好想著呀！

今次唔算窮遊，因為我地想食好多野！不過住宿方面我地會搵好平嘅住，因為根本都無機會响酒店hea，所以住就要住最平，budget平均一人一晚一百多港幣。

雖然得果四日三夜，但我覺得個行程都好豐富，食左好多必吃美食！包括大阪燒、壽司、章魚丸、燒肉、抹茶甜品、斧飯、餃子、蟹火鍋等等……日日個胃都keep住100%full。

觀光方面我地就會有半日去奈良睇鹿仔，之後仲會有一日响京都著住和服散步，睇各種寺廟古街。

購物方面第一晚會去心齋橋購物街，最後一日又會去outlet，所以都滿足到購物方面嘅需要。

日本大阪京都真係好地方，我覺得比東京好玩，因為多野睇，感覺又平少少！我地去完返香港都不約而同咁話快d要再去，好，等下次有櫻花/紅葉一定要再去！

大阪京都奈良四日三夜行程

28/12 大阪行街食食物，心齋橋購物逛藥妝店-道頓崛食野-大阪王將煎餃子-本家燒章魚丸-鶴橋風月大阪燒 (宿大阪新今宮站附近的sunplaza 2)

29/12 大阪-黑門市場-奈良志津香釜飯-公園睇鹿-奈良商店街中谷堂麻糬-京都河原町-本格燒肉 (宿京都：kyoto rich hotel)

30/12京都夢館和服體驗：清水寺-二年阪-三年阪-八阪神社-花見小路 (宿大阪：sunplaza 1)

31/12 大阪機場附近rinku outlet-返港