18/08/2013 day3 青洞浮潛+國際通逛街+通堂拉麵

18/08/2013 day3 青洞浮潛+國際通逛街+通堂拉麵

今天大家早早七點鐘就起床，因為昨天下雨沒去到我們最期待的青洞浮潛，今天是最後機會，如果下小雨，我們也會照去。天公作美，果然雨過天青，今早天氣比昨天好多了，雖然遠處也有烏雲，不過飄來也需要點時間吧！

一行五人趕快出門，驅車前往中部西海岸的真榮田岬。其實除了意大利的Capri Island外，只有沖繩的真榮田岬有藍洞，他們稱之為「青之洞窟」， 藍洞裡的藍，就是「上帝調好的藍」。 洞內這道神祕藍光的形成，事實上是因為陽光穿過位於入口下方的海底洞口，由於海水會吸收紅光而使得只有藍光能通過海水，進而折射在洞內的水面上。所以說，要看到這種顏色，一定要好陽光，雨季來說，實在需要點運氣。

我們從沖繩一市開車過去，距離不太遠，大約半個小時右就到達,我們在中途途徑便利店，買了些飯糰和冷面做早餐，好味道！

前年我們也有來過青洞浮潛，當時我們第一次玩，所以有找公司包辦（這類型的公司有很多家，不用怕找不到，不過價錢有平有貴，所以要多多比價），它們會提供教練和用具等，更免費幫你拍攝水底寫真,價錢都不貴，￥2500一個人。這裏是我第一次玩浮潛的地方，印象中魚超多，珊瑚很多，超級漂亮。不過這兩年間，我去過很多地方玩浮潛，所以今次來想認真看看，這裏的海底世界，是否真的是我記憶中的壯觀，還是因為當時我第一次玩無比較所以才誇大事實。

今次，我們沒有join任何潛水公司的活動，因為他們的浮潛活動時間太短（在水中時間大約一小時），我覺得未能仔細欣賞，加上我們已經有多次經驗（妹妹沒有玩過，不過我們可以照顧她），自己去潛完全沒有問題，所以我們在出發前，買好所有浮潛工具，包括蛙鞋，面鏡和呼吸管，潛水襪和救生衣，水泡等。（價錢加起來也比在那邊租便宜）

真榮田岬有個收費大型停車場可以泊車，停車場內，泊了不少潛水店的車，一般在各家公司參加活動，也是在這裏集合，找到他們的車，直接在這邊換裝備，跟教練下水。這裏也有不少車泊在停車場外面，不用收費。我們直接在車上穿好裝備，而rachel忘記了在香港買水泡，我 們唯有返回路上的潛水店租一件救生衣，貴死了，收費￥1000。來之前，我們有擔心過這裏不容許自己來浮潛，可能一定要參加公司，今次就發現完全不需要，是沒有這項限制的。

我們五個人，更換好泳衣，準備好浮潛裝備，就步行到岸邊下水去。從岸邊到藍洞的距離大概只有一百米，這個範圍，充滿著高高低低的珊瑚，大群大群的熱帶魚，魚款式很多，色彩繽紛。但這裏名氣大真的人山人海啊，所以絕對不會迷路你一定知道要去哪邊游。浮潛是很安全的水上活動，不會游泳也可以玩（我們五個有三個不會），適合一家大細來玩，在海中，不時會看到兩三歲的小孩（最誇張看過一個應該只有幾個月大的嬰兒），穿著救生衣在看海底小魚，所以家長們都不用擔心，這個活動絕對是老少咸宜。也有人在這邊進行體驗水肺潛水，價錢也合理，他們不時在我們下面游過。

我們在這邊玩了很久，應該玩了大概兩個多小時，看到了幾家小丑魚，很可愛。游得有點累，終於游到青洞入口旁的岩石岸邊，上岸休息去。在這邊浮潛，一定要穿鞋或襪，因為岸邊地上很多海膽，不小心踩中了就慘。休息片刻，我們進行今天的浮潛part2，潛入青洞去！

人滿為患，小小的山洞內分分鐘有一百人（未計玩水肺潛水，在下面十米下的潛水人），在這裏移動，很容易踢到人。洞內氣溫有點冷，而且今天太陽也不算猛，未能看到誇張的螢光藍色，不過洞內有超大群小魚，應該有一萬條，像龍捲風般圍繞著游泳。不過個人認為，ࣳ 4;果要玩水肺潛水（一般潛水公司會分為潛青洞內或外，兩種價錢的），在青洞內沒什麼看頭，底下是沒有珊瑚的，青洞還是浮潛在水面看比較適合。想玩深潛的話，應該在洞外潛，看珊瑚看魚。

最後我們在這邊，玩了四個多小時都差不多下午一點多才離開。玩得很盡興，但是最後得出答案，青洞浮潛的確很不錯，但相比剛去過的馬爾代夫或是一些東南亞國家,絕對不是number1，是我上次誇大了，但這裏也是我的top5。

玩完浮潛，大家都肚餓極了，極速沖身更衣（￥200/兩分鐘，夠兩個人冲，因為保育原固不可以用沐浴露，只可以冲水），收拾好裝備，就驅車出發前往美國村吃迴轉壽司！

美國村有很多停車場泊車都不用錢，又慳番！一番亭是我們昨晚看到的，看起來不錯，所以就決定今天午餐過來吃。這家店雖然是迴轉壽司，不是傳統的手握壽司，不過味道也不錯哦！價錢來說也算便宜，我們點了三款不同的一人套餐，一份卷物，另外再單點多幾款壽司ᦁ 2;包括全menu上最貴的吞拿魚腩o toro，入口即溶，好吃到不得了，不過有點貴，一客￥630($50hkd)！五個人埋單￥7360($600hkd，點了這麼多食物，也算合理)

吃飽飯，下一站我們就開車來到國際通逛街購物。國際通在那霸市，是一條很長的購物街。我們沿著這條街走，在一些手信店，妹妹們了一些手信給同學，我跟rachel就覺得沒什麼特別，什麼都沒有買。在路上的blue seal雪糕店買了雪糕吃，沖繩的雪糕店口味特別多，我們買了波子汽水口味的，不錯！

之後又逛了sogo底下的超市，買了一盒果子。還有逛平和通購物街，到100yen店，買了些雜貨，（鏟和手套，準備香港去摸蜆用）。我們的最愛還是超市，在超市買了一盒巨峰提子￥398，和三個宇治抹茶布丁￥178，馬上吃掉，抹茶味超濃郁，太好吃了！

逛完街，我們前往網上非常有名的通堂拉麵吃晚餐，我有四間分店，我們去了小祿站本店。排隊的不少是香港人，輪候時間不算長，約等了二十分鐘。我們都點了，豚骨湯拉麵，湯底和叉燒都不錯。另外煎餃子也很好吃！不過我發現其實香港現在的拉麵店，水準已經很高ᦁ 2;不用特地來日本吃。

大家都吃得超飽，加上今天玩了一整天，都累了，還是早點開車返回酒店休息。開車又途經超市，由於我們明天就會離開，所以我們又去超市掃貨了，目標依然是零食，哈哈我們最愛日本零食了！又買了幾百蚊，滿載而歸，行李負擔越來越多了……

是日個人消費：


familymart中華冷面￥450
租面鏡（我的爛了）￥1000
沖身（￥200/2）￥100
午餐迴轉壽司（￥7360/5）￥1472
高速公路費（￥950/5）￥19
blue seal雪糕￥270
三越超市買果子￥157
平和通100yen店(五件雜貨)￥525
平和堂藥妝店(shiseido面霜)￥1512
牧志丸市超市(巨峰提子一盒，宇治抹茶布丁三個)(￥932/5)￥186.4
超市買零食(￥5359/2)￥2679.5
通堂拉面(￥3990/5)￥798

total:￥9339.5

有圖有真相，去圖～ 今日我地早餐又響便利店度解決，我就買左個中華拉麵，好大碗好多餸，邊吃邊食節省時間

開車來到真榮田岬，入面有個停車場，一面聽他住大大小小潛水公司嘅工具車，我地無參加，將架車泊外面，響車穿好曬所有準備就自己行入去

所有人來真榮田岬嘅目標都一樣係-青之洞窟。之前都有擔心過究竟可唔可以自助浮潛，唔跟公司嘅呢，結論系得嘅係冇人會理你

行落去條大樓梯下面就係落水位

出發前影張合照先

行落去了

我地一行五人準備落水

樓梯底係礁石，行上行落要小心d

成個海都好多人，有玩浮潛嘅，又有玩水肺潛水的，總之，你一定唔會蕩失路

大家落水之後再著蛙鞋

細妹成功落水

一落水已經見到好多魚，d魚完全唔怕人

由於細妹已經系香港訓練過兩次，所以佢今次玩絕對唔驚

我幫rachel影咗好多水底相，下底好多魚影得唔錯

啲魚完全唔驚人，而且好多人拎麵包落水喂佢地，令到佢地好鍾意接近人類

我地四個嘅大合照

附近有人喂緊魚，d魚係咁衝埋嚟

魚嘅品種都算幾多

最鍾意蝴蝶魚，因為佢真系好蠢，我用手指伸出去扮用麵包喂佢，次次都成功，老遠都游埋黎

珊瑚都唔少，有白色嘅

響海底見到個超巨型海膽，有成個籃球咁大啊！

蝴蝶魚都有好多唔同嘅品種

呢個海域真系好多魚啊

又嚟rachel水中寫真，呢張有樣，幾好

喱張就有珊瑚

喱張下面就有好多魚

上水休息一陣先

呢張我來的，影得唔錯喔

都係我，好多魚

呢度最神奇嘅地方就係有好淺水嘅位，亦有好深水嘅位

魚仔

軟珊瑚

青洞的入口，好多人游緊入去

我地就系旁邊礁石坐低休息一陣先，因為頭先都潛咗好耐

岸上的景色

見唔見到啊，有個幾個月大嘅bb坐響水泡上面著住救生衣，有教練拖住，一齊入青洞，所以喱個活動真系老說老少咸宜呢

洞口位置，長年都有好多人

海水清澈見底

岸上有好多海膽，大家要小心

一定要好似我地咁著鞋或者著襪

終於進入青洞，洞底有過萬條小魚，龍捲風咁游動

絕對無誇張，真系好多

藍洞內有d凍。我地等咗好耐，等個洞有太陽照射變成螢光藍色，但今日天氣唔算太好，最後都無好成功咁見到

又出返外面，佢地上岸睇海膽

死火，阿燒隻手比海膽拮親

之後我地又響出邊遊下游下，繼續浮潛，見到幾群小丑魚

間條魚

美麗嘅珊瑚

粉紅色的珊瑚

小丑魚和海葵

響海底進行水肺潛水嘅潛水人

喱款魚系最多嘅

又係rachel，喱張唔錯唔錯

潛水人圍觀海葵及小丑魚

喱度d水真系好清

見唔見到我手上面拎住個電筒呢，響青洞入面佢就大派用場啦，真系好光猛架

玩咗成半日，夠皮，換衫走人。楂車去美國村食壽司，琴晚我地搵咗呢間叫做一番亭，今日就來試下

我地叫咗幾個set

雖然系迴轉壽司，但質素都唔錯

另一個set，呢個貴少少

第三個set

整體來講都唔錯

仲有送面豉湯

喱個系餐牌，一人套餐，都係￥1500左右，都唔算貴

另外佢地仲有三四人套餐，不過款式就唔系好吸引

最後，我地再來兩客極品吞拿魚腩

超肥美，入口即溶好食到不得了！($50hkd)

餐廳內部環境

美國村有個大摩天輪，又影下相先

之後我地來到國際通行街

行手信店，阿妹俾蛇咬

巨型花園鰻公仔

坐低食杯雪糕先

熱帶果味

波子汽水味，食完條脷變左藍色

blue seal雪糕，響沖繩成日都見到

之後我地去行sogo底下嘅超市，見到有賣雞泡魚

好青好大粒嘅提子

睇落好似假咁，好貴，應該好好食

路過和果子專區，做得好精美啊，不過買得好貴，我諗佢地都係買來送禮居多

之後我地行平和通商店街

國際通必到景點，入面有藥妝店可以掃貨

阿燒買咗菠蘿食，￥100一串

路過超市，見到巨峰提子，又忍唔住手買

我好認真咁揀緊提子

買咗三個宇治抹茶布丁，即刻開黎食，好味到不得了

行完國際通，我地就去好出名嘅通堂拉麵，排隊等食面

等左唔使半個鐘就有得食，睇完餐牌要自己出去禁機買

有分男味女味，男係豬骨湯底，女係鹽味湯底

買完就會有咁嘅票，坐低等下喇

可以食住d酸菜先，味道都唔錯

店內環境

餐牌有繁體中文介紹

食物到了，喱個系煎餃子

影張大合照先

豬骨湯叉燒拉麵

喱間面店好受香港人歡迎

大家食得好滋味

bar台位

食飽飽，就開車來超市最後掃貨，我掃左好多啫喱

果子

日式水晶包。最後我地又買咗一大堆野滿載而歸