11/12/2012 Day 6 hurghada洪加達紅海giftun island浮潛一日游

11/12/2012 Day 6 hurghada紅海浮潛一日游

六點起床，七點到empire hotel地下吃早餐，早餐食物很豐富，是多日來吃得最好的早餐，果然是大酒店。這家酒店住客大部份都是白人外國遊客，亞洲人一個都沒有看到過。

吃過早餐，八點，我們準時步至對面街的local tour旅行社。今天我們參加了紅海船河一天團，八點集合，下午四點結束。行程是坐小郵艇到兩個在海中央的浮潛點玩浮潛，然後轉小艇登上giftun island逗留一個半小時。價錢$100LE一個人，包午餐，飲品，浮潛工具和往返交通。

可是埃及人的時間觀念很差，明明說是八點集合，他們施施然到差不多九點才開車出發。同船團友約二十人，全部都是外國遊客，俄羅斯人超多(洪加達這個城市跟大陸三亞一樣，都是充滿著俄羅斯人)。

約九點多才開船，船是遊艇型的，下層有廁所，甲板等，上層有頂蓋，但都是室外通風的。我們大部份人都坐樓上，只有幾個人坐在船頭甲板。十二月的紅海只能用一個字形容-凍！氣溫約十多度，加上時間尚早，太陽未算很猛，所有團友都冷得發抖！用自備的大毛巾把自己包裹。

我都算是穿得比較多，吊帶裙外穿一件長袖牛仔裇衫，外加一件衛衣外套，再圍上大圍巾，仍是非常寒冷，心知不妙了，因為待會尚要下水浮潛，一定會冷死！

之後，其中一名船員給我們講解了浮潛工具的使用方法和各注意事項等，我們便抵達第一個浮潛點，船就在海中央停下。我們脫掉外套帶上面罩和穿上蛙鞋就一個個跳下水，跟著其中一個領導的船員一起游呀游，他一叫著"karta group！"我們就要馬上跟著，他會領導我們去看各種魚類和珊瑚，並會潛到水底喂魚，引來大群大群的熱帶魚。我用我新買的防水相機，拍了不少照片。

還以為下水一定會冷，誰不知很神奇的，在水裏竟比待在船上為溫暖！不覺得冷，我們游了大半個小時都沒問題！

這個潛點魚比較多和大條，但珊瑚就一般般沒什麼色彩，個人認為比東南亞的遜色，當然紅海是全球數一數二的潛水勝地，我相信只是我沒看到，沒到去到美麗的潛點，而不是它不美 。

玩了約四十五分鐘上岸，嘩，上岸一刻，寒風刺骨，簡直比死更難受！馬上抹乾身體，穿回厚厚的衣服，坐在甲板曬著，才慢慢感到暖和一點。

坐了不用半小時，我們就到達第二個浮潛點，水面可見有一些鐵柱什麼的，心想這裏的珊瑚應該會豐富一點吧！心裏猶疑要不要再下水(因為真的太冷)，後來看到同伴帶病仍必玩的決心，好吧，死就死，就再給紅海一次機會吧！

下了水，水溫比第一個潛點冷多了，是我的第一次游冬泳！不過這裏魚類和珊瑚和剛剛第一個潛點的都大同小異，我游了十分鐘便放棄，游返遊艇，再一次承受上岸寒風刺骨的快感！而同伴就繼續在海中游著，跟大隊去。

他們玩了半小時左右就返回船上，大部份人都走到船頭甲板去曬太陽。而午餐馬上就開始了，有魚塊，米飯，通心粉，茄汁薯仔和番茄青瓜沙律。味道不錯，不夠飽可以添。另外亦提供水和可樂各一支。大家就拿著盤子坐在船頭曬著吃飯。

吃飽飯不久，船停下來了，我們看到海中有一群活潑的海豚！之後，大家要轉乘小艇登島去。我們會在島上逗留一個半小時。大家投票決定了要待在溫暖一點的地方(可以選擇方便浮潛的地方但那邊風會比較大)。全部人就地鋪好毛巾就躺下曬太陽休息。而我倆就拿了相機四處拍照。紅海水色很漂亮，藍藍綠綠的，非常賞心悅目。

我們沒有去游泳或浮潛，在沙灘邊上拍了很多跳和飄浮照。好好玩！但可惜我們在岸邊拍照期間，呀姜的太陽眼鏡遺失了。

我們在沙灘上待到下午兩點多，就返船，送返酒店。

返回房間洗澡，然後又睡午覺，游完水身體超累的，更何況呀姜他帶病在身。我們到晚上八點半才醒來。又下去在酒店對街的kanaria steak house餐廳吃晚餐，食物不錯，我們點了一份炒魷魚飯和燒蝦飯，兩個湯和兩杯果汁，埋單$110LE。

吃飽飯我們在酒店旁的店買了一個太陽眼鏡，$40LE，當然是中國貨，老闆人很好，見我們中國樣都沒有開價，他說他知道這些東西在我們國家買很便宜，他也是第一次有香港客來買太陽眼鏡(誰叫呀姜急需要一幅)，我們跟他聊了後久，之後交換了fb才離去。

之後就返房休息，結束我們紅海精彩的行程。

是日二人消費：

細水一支$2LE

船河tips$10LE

薯片$4LE

晚飯$110LE

總消費：$126LE/2=人均$63LE

去圖~~


大酒店，早餐食物特別多款式

食飽就出發！呢個係酒店外觀

酒店有私人沙灘，跟住個牌行五分鐘就到

不過我地目的地並非酒店沙灘，而係對街的tour agency

其實呢度成排都係tour agency

我地昨晚就响度報左紅海浮潛一日團

出發！上左一隻遊艇

遠遠就望到我們的目的地，giftun island

船上真的冷得不行！！我快凍死了！

個個都著好多衫，能夠包上身嘅都有咁多包咁多

第一個浮潛點，大家都除衫冒著嚴寒跳落水

大家整理好工具就跳啦！

紅海的水中世界，工作人員用面包引來大群魚(注意：呢個肥pat pat唔係我來的)

水中的珊瑚，唔太colourful

船員再出動麵包引d魚過去

珊瑚

呢堆多d顏色

大量蝶魚！好靚呀！

蝶魚和其他魚類

又返回船上，去甲板曬曬，否則濕住凍到爆

海水的色彩超漂亮！透明玻璃水！

好，又到達第二個潛點

有好多一條條柱，上面長滿珊瑚

我游呀！下面有一群藍色魚

美麗的魚仔同珊瑚

好靚的螢光藍魚仔

癈鐵成了牠們的生活地，長滿珊瑚。好靚呀d藍色魚！

紅海不是紅色的，是湖水藍色的

潛完第二個點，我凍到爆左，但個身又未乾唔可以著外套住，我唯有咁坐响度曬乾自己

呢個呀嬸乜水

响船頭又影下相先


呀姜下上半身嘅衣著真係好唔夾

又扮曬野

午飯時間，食物都幾好味。唔夠食可以再添

阿拉伯文可樂，好得意呀

吃完午飯，我地好快會上岸去！岸上已經有不少人了

幾條船圍一齊個乜？原來發現有一群海豚！可惜我影唔到

轉坐船仔，登岸去！

好美的一個沙灘！水又不深，好適合比我地游水

美不勝收的一片海

呀姜都唔理帶病在身，凍死都除衫行落水了(不過佢上來即刻話好凍，要著夠兩件褸)

用水清沙幼來形容最好不過

迫呀姜幫我影寫真xd

呢d叫輸人唔輸陣！我要同d俄妹鏈過！

睇返都有d想嘔

比浪沖跌左，即刻無曬氣勢

其實呢堆比上次坦桑影嘅靚好多，睇黎真係影果個嘅問題(唔係我問題)xd

赤腳爬上山頂，個景又幾正播！真係企得高望得遠呀

不過行上山頂隻腳底超痛，一路行一路嗌！最好真係著返對鞋

呀姜著咁多衫，同個景有d唔襯，但實在真係有d寒

個地可以話你知有幾"吉"腳

左手面的是resort私人範圍，我地唔可以行入去，所以d太陽傘係唔可以享用的，你只能夠自己鋪毛巾坐响沙灘

個view真係無敵呀

又好腳痛咁行返落山，其實座山都唔係好高

落返來，又怒影

本身諗住無幾張得所以影勁多，但睇返發現原來又唔係播。我真係好嘔

跳躍系列(不過呢張未離地好似傻仔)

呢張好d，不過見到後面有浮波

跳呀

飄浮系列

狂跳

飄浮

一飛衝天

有個人比沙埋住左，哈哈

返回洪加達，返酒店訓左陣就出去食飯，叫左好多食物。呢兩個係湯

草莓汁和橙汁

蝦配飯

炒魷魚配飯，好味！