2013/十月 重陽秋日合家觀之四川九寨溝五日登高遊

2013/十月 重陽秋日合家觀之四川九寨溝五日登高遊

今個月又比我好彩博到放幾日連假，仲要咁啱係重陽同周末旅行出遊固然是必須的。其實考慮過幾個地點：峇里、沙巴、蘇梅和九寨溝。頭三個都係陽光與海灘，潛水游水曬太陽為主，最後一個就比較唔同，係去睇山水景色的。

最後到左十月，我終於決定到去邊。沙巴同峇里首先放棄，係由於班機太full overbook左，standby唔使諗。最後就考慮蘇梅同九寨溝。其實上年去過蘇梅，價錢又唔貴又悠閒，都係一個好好嘅選擇，但我呢幾個月都keep住去陽光海灘嘅地方，今個月底又會去我最愛嘅馬爾代夫，咁海灘夠喇，所以就決定選擇玩法唔同類型嘅九寨溝。

剛好9-10月正值九寨溝全年最漂亮最色彩繽紛嘅秋季，又紅又黃又綠！當然亦係最貴嘅旺季，多人和食住比淡季貴是在所難免的。(四至十一月旺季，十二月至三月淡季，黃龍索道纜車冬天不開放)

呢個旅行本來又係我同呀燒兩人行，不過我媽媽又勁想去九寨溝，話拎大假都要去，好，三個！之後kenneth又有興趣加入，所以變四個，有佢去就正，包影到靚相（攝影師來的）。竟然，平時求佢都唔肯去嘅爸爸主動提出參加，噢噢，九寨溝嘅力量真强大，咁今次會係佢第一次 ;坐飛機去旅行呢！好開心呀，一行五人，準備出發！！

雖則話五日，但實制上只有三個full day，因為第一日好夜機去，第五日好早機返香港。所以，其實得三日。時間真係唔係好夠，玩得會好匆忙。九寨溝來說只玩一日的確唔系好夠，最好可以玩兩日就perfect。

今次我地會選擇跟local tour，由成都去黃龍及九寨溝嘅三日團，旺季價錢成人都只係$1026RMB（淡季係幾百左右），包食六餐、住宿兩晚，九寨溝黃龍入場門票、交通，另外仲有三項民族參觀活動。價錢只是不包含九寨溝內的一餐午餐和黃龍索道（纜車）。

三天都不會去購物點，但一分錢一分貨，有數可以計，黃龍入場券$200，九寨溝門票連觀光車$310，交通當自己坐巴士去，來回都要$300，淨係交通+入場都已經$810。仲有計藏族歌舞晚會$150+參觀幸福羌寨$170，呢堆加埋已經$1130，仲未計食住！所以個團$1026真係好平，條數真係唔知點計。

如果選擇自由行，五個人價錢起碼貴幾千，所以雖然跟團真係辛苦，食宿差，時間趕，但如果想省錢絕對係一個好嘅選擇。由於一早知道跟當地團食住條件很差，所以我們準備了大量食物，包括罐頭麵包蛋糕餅乾杯面等等。

在此我系度簡單介紹一下去九寨溝嘅四種方法:

方法一:來回坐飛機，從成都雙流機場到九黃機場，機程四十五分鐘，機票旺季約$1500-3000RMB(有時有打折就會比較便宜，不過通常折扣不會太多)來回。到達九黃機場後再包車($200/車)或坐班車($45)前往九寨溝及黃龍。這個方法會是最貴，但可避免坐長途車，最節省時間。

方法二:自行乘坐巴士前往。成都兩個汽車站新南門和茶店子車站，都有去九寨溝的直達車，所有班車都會在早晨開出(大約六點至八點，一天有好幾班)，坐汽車是需要九到十個小時，單程車費大約$130人民幣。這個方法比較費時，但價錢相對地比較便宜，而且自由性大，接下來 ;的食宿又可以自己選擇。

方法三:拼車前往。其實這個方法跟方法二差無幾，只是坐的不是大巴而是四坐位私家車，同樣地在上述兩個車站上車，車程六個半小時，成都前往九寨溝單程車費$150/人，回程$200/人。九寨溝前往黃龍$200/車。個人覺得這個方法既省錢又可自由選擇食宿，而且比坐大巴省時，適合ߎ 1;想跟團，不想支付昂貴機票，對食住又有些少要求的人。拼車可以早上時間在車站找到，也可以預先聯繫。這個聯繫方式是我在九寨溝的時候找到的。卓勤:13698178410

方法四:跟當地團，有三天或四天團可以選擇。這個方法是四個方法當中最省錢省心的，包食包住包門票包交通，還另外包括一個歌舞晚會，一個藏族家訪和參觀幸福羌寨，算是包羅萬有超抵玩。適合體力好，想慳錢，對食住沒有要求的人。旺季價錢大約$1000-1200左右(其中不包括溝內的一餐午餐和黃龍索道錢$80，不去購物點，所有都是自願消費)，淡季才幾百人民幣便宜到爆。食住條件非常差，叫做餓你唔死，有張床比你訓下，基本條件都叫滿足到。價錢來說真的是抵到爛。基本上幾天都沒有太多花費，都是用了來買零食飲品上洗手間等，頂多花Ũ 27;三幾百。

最後我選擇了方法四，因為個人對食住要求不大，而且我一個人要負責三個人等費用，又個個月都玩，需要慳錢。但返來香港和呀燒討論，整體來說，他覺得食住條件太差，坐車又辛苦，時間又匆忙，他認為我帶爸媽去不應該讓他們太辛苦(也對的辛苦爸媽了)，他說以後都 981;會跟大陸團(他對食住是比較有要求的)。個人而言，我絕不後悔，因為我絕對明白一分錢一分貨的道理，山區條件有限，幾餐食差少少當減肥，係酒店房間不太乾淨，限時供水供電會比較麻煩，不過床單被鋪都尚算乾淨都勉強能接受，這次之後我會繼續探索神州大陸，而且更喜歡上大陸當地團，因為真系好平好適合我這種背包友。不過如果下次我會再去九寨溝我會選擇方法三，因為我想有多點時間在景區參觀影相，想每個景點都能夠仔細觀看，吃住方面又比較豐儉由人(雖然一定比跟團貴)。

這次旅行，五天行程如下:

11/10 day1 夜機香港前往成都，入住一環內寬窄巷子附近安逸158酒店($138/房)

12/10 day2 清晨四點半集合，05:10出發。途經汶川，都江堰，中午到達茂縣午餐，下午兩點到達黃龍風景區參觀(遊覽四小時)，晚上到藏族家家訪，最後入住川主寺附近的賓館

13/10 day3 06:00出發。09:30-17:30九寨溝一天遊，住九寨溝溝口附近的賓館，酒店內晚餐後，19:30-21:00 到另外一個場地觀看藏族歌舞晚會

14/10 day4 06:30出發。九寨溝-途中參觀兩個景點，包括夏爾巴藏寨-川主寺吃午餐-(15:00-17:00)參觀幸福牟托羌寨(汶川)-19:30成都(散團)-入住寬窄巷子安逸158酒店-川西垻子火鍋晚餐

15/10 day5 05:00出發。早機成都返香港