2013/九月 布吉四日三夜行程

2013/九月 布吉四日三夜行程 又係一年一度帶阿媽去旅行嘅時候喇！去年我地去左峇里島，前年我地去咗歐洲。今年都想輕鬆d，我又唔想洗咁多錢，我budget不連機票總消費係$3000hkd兩個人（最後夠曬之餘仲有錢淨，連機票只用了$4000兩個人，因為食住玩都唔貴，去local tour又無錢洗，又無乜好買）。所以決定近近地，去布吉享受陽光與海灘啦！ 個行程前後加埋有五日，實質上只有三個全日。而且第一日就坐凌晨機到達，應該會好疲倦，所以唔會安排出島活動，輕輕鬆鬆，行下街食下野就算，唔會出島玩。而第二三日嘅行程，就會參加兩個local tour去外島玩下。希望到時天公做美，天天天晴啦！ 住宿方面我地會選擇住響最熱鬧嘅芭東海灘patong beach附近，因為逗留時間比較短，住呢邊方便搵野食同報一日團。住宿我都會盡量搵d平d嘅，因為反正日日出去玩都無乜時間留響酒店。book左apk resort & spa hotel，$410hkd三晚雙人房，唔包早餐，有wifi有游泳池，抵到爆！ 11/9 去程23:40-01:55 hx763 12/9 01:55到達布吉，先到酒店休息，下午在芭東四處閒逛，報團，夜晚睇simon cabaret人妖show 13/9 local tour pp島+蛋島一日遊 14/9 local tour皇帝島一日遊，晚上逛酒吧街，零晨坐機返香港 15/9 回程02:55-07:20 hx764