06/07/2013 day11 清邁童話小城pai拜鎮

06/07/2013 day11 清邁小城pai拜鎮 是日行程:步行街早餐-pai郵局-the container-粉紅牛牛-大風車糖果屋baan kung kang de pai resort-romance another story in pai-phu pai resort-步行街晚餐逛夜市 昨晚一夜好眠，這間resort真的不錯，又平又靚又私密，今早醒來我們打算到外面去吃早餐，因為我們住的phu pai art resort房價不含早餐（他們有設餐廳，但我想到外面吃）。 我們打算到另一家叫romance another story的resort去吃早餐，由於gps search不到這家酒店，我們唯有看地圖並set了帶路到附近的另一家酒店，可是找了很久都沒有找到，最後在附近下車問人，兜兜轉轉幾經辛苦過了一小時多才找到。 這家resort各大報紙也有介紹過，最吸引我之處是這裏有個不小的農場，裡面養了很多羊，我們來這邊可以喂羊，享受著三百六十度田園風光，附近有幾幅大面積的水稻田，有工人在耕作，充滿鄉間氣息，山水風貌優美如畫，一片泰北風情的原生態風光。 其實之前做research是，有考慮過入住這家酒店，這裏環境非常漂亮，地中海風格的房間小屋充滿特色，不過價錢相比我住的phu pai resort貴很多，差不多六百多港幣一晚，雖然也不貴，但沒有泳池，所以我最後就放棄了。選擇了找一天過來玩。 可是來到這邊，去前台查問，才發現這裏沒有餐廳只有cafe提供飲品。我們還沒有吃早餐，沒法子，立即改變計畫，開車返回步行街先吃早餐，之後下午再過來玩。 我們在步行街隨便找了一間環境比較好的餐廳，吃了個早餐，點了一份泰式金邊粉和一份egg benedict火腿蛋鬆餅和兩杯飲品，埋單一共$360baht。 之後我們順路來到了pai郵局，這家郵局就在步行街附近。之前在網上看了不少遊記，看到照片照片覺得這家郵局非常特別，很小巧可愛，外面的巨大郵筒和其他擺設等都很卡通，可惜時間尚早，郵局還未開門，不能進去裏面參觀。還在外面拍完照就離開了。 之後我們開車到coffee in love方向的一段路,來到了今天的第三個目的地the container。這裏也是一家漂亮的咖啡店，距離步行街只有五分鐘車程，跟coffee in love也只有三百米的距離，也有提供住宿。這是一家兩層高的咖啡店，擺放著彩色的吊椅，非常佔位置，一層只能擺放十多個 而且背後還配個草地做背景，門口外面有一堆無法賺錢的超靚影相位佈置，彩色大招牌和英倫風巨型電話亭，實在太有個性了，但又無法賺錢，真令人費解。由於我們已吃飽了，所以我們在這家咖啡店，只買了一罐可樂兩份飲，但在這逗留了兩個小時（運吉）。 pai全部民宿、resort和咖啡店都有一個共同特性，就是他們全部都很有風格占地面積大，設計感強，賺錢是其次，店家不會要你消費，隨便看隨便影都沒關係。跟香港的店鋪賺錢模式完全不一樣。這邊消費又便宜，絕對背包客的天堂！ 之後我們又開車到處走，在附近看到了一間很漂亮的粉紅色牛牛logo民宿，座落在公路旁邊，小屋涼亭全都是粉紅色的，門口還放了一台粉紅色的jeep，我們把車停在外面，就跑進去拍照，裡面沒有飲料賣，我們就買了雪糕來吃休息一會。 之後我們繼續移動，來到了同一條路上的下一個景點-baan kung kang de pai resort，這間民宿也非常有名，民宿花園裡的黃色大風車是它的獨有標誌。其實我也有考慮過住這家酒店，價錢也不貴，才$300hkd左右一晚，位置又方便，異國風情的房間又超級可愛，但最後也給phu pai的無邊泳池打敗。這一間歐式民宿,房間的名字也很可愛，叫做cutie,lovely,sweeties等，房如其名，色彩繽紛的獨特建築物和房間裡的擺設公仔床單枕頭等，糖衣般的外牆設計，sweet到爆，真有心思，猶如童話裡的糖果屋，而且還有一個大泳池、有機農田和花園等。我們走了進這間民宿參觀， 沒有消費，這裏超多童話風影相位，好靚呀！去了這麼幾個景點，已經下午兩三點，天色又變得很暗，烏雲蓋頂，相信馬上就會下雨，想到昨天的情況，我們決定馬上離開，因為怕下雨，沒有時間返回 romance another story in pai的牧場看羊，所以我們馬上驅車前往。 到達 romance another story in pai，馬上開始下大雨，雨超大，又落了兩小時，幸好我們可待在他們的咖啡店裏喝飲品、上網和跟他們的貓玩。這裏環境舒適漂亮，待一天也絕對沒問題。 雨停後，我們就在這家小酒店到處參觀，這家酒店只有六個房間，房間是歐式獨立別墅，很漂亮。另外，這完全是一個小牧場，養了很多羊和馬，就算不是這裏的住客，也可以來這裏牧場參觀餵羊，可惜剛剛下完雨，動物們都返回屋內，今天不能喂牠們了。員工很好心，讓我進去室內看看綿羊，感謝啦！ 這家酒店就像一個大公園，附近都是農田，沒有任何建築物，非常原生態，雖然位置有點偏遠和荒蕪，但我非常喜歡這種田園安靜的環境，是一個hea的好地方。我覺得城市人應該要多點到鄉郊親親大自然放鬆放鬆! 不能餵綿羊，我有點小失望。也好，讓我下次有藉口再來過。黃昏時間，又未餓，決定驅車返回phu pai art resort我們的居住地hea到晚上再出來。這絕對是今天最明智的決定呀，因為我終於有機會享受期待已久的田園無邊泳池了！趕快跑回房間換泳衣拿水泡，就跑到泳池游泳去！果然不令我失望，這邊看著日落晚霞，一望無際的連綿山脈，水天一色的美景，靜靜地看著太陽下山,超relax舒服，吸收了大自然的靈氣，人也精神點！我愛死了這個泳池！ 我們一直玩到天黑，開始覺得有點涼意，雖然7月份，但其實pai晚上都好涼的，要穿個外套或圍圍巾。趕快上水返房洗澡，又再準備到步行街覓食和購物逛街去！ 今晚我們找了一間有live band氣氛夠好的餐廳吃晚餐，點了一個炒粉絲和一個炒飯兩杯飲品，埋單才$260baht，哇好便宜啊！ 正餐不用吃太飽因為我們還要去小吃攤掃街！最後又買了燒粟米和串燒拿回酒店當宵夜吃。另外又在步行街上車仔檔印制了三張，用自己相片製作而成的名信片。很漂亮啊，買好郵票，寫好要寄回來給自己！ 今晚要早點休息，因為我決定要在明天早上check out離開之前，再去泳池游水，嘻嘻，晚安！ 是日二人消費： 步行街食早餐$360baht The container買可樂一罐$20baht 雪糕$90baht Romance another story沙冰兩杯$110baht 水果兩包$20baht 入油$770baht Postcard三張$100baht 晚餐(粉絲、炒飯)$260baht 燒玉米$20baht 串燒六串$60baht 背心一件$199baht 郵票三張$80baht 相片postcard三張$100baht Total二人消費：$2189baht 有圖有真相，去片！ 琴晚我哋入住phu pai art resort，一早出來去reception問路，順路睇睇呢度個傳說中嘅無邊泳池。太陽椅旁有好原始嘅農田景色啊！ 個泳池就響餐廳對出，建築物都好有泰北風情 無邊泳池反映白雲嘅倒影 酒店附設嘅餐廳，早餐都系度食(不過我房價無包早餐，所以我無係度食) 我們住嘅小屋，一房就係一間，都唔洗港幣二百一晚，抵到爛啊！ 出去食早餐，搵咗好耐終於黎到romance another story，停車場嘅路牌都有羊仔咁可愛嘅 打算到romance another story resort食早餐，嚟到先發現原來佢地無餐廳 餓到爆炸，即刻楂車去步行街食早餐，揾左間叫做hotel des artists嘅，酒店附屬餐廳，見佢環境唔錯，吃物款式又ok，就即刻坐低叫野食 我叫咗egg benedict 阿燒就叫咗個泰式炒金邊粉，加埋兩杯野飲，埋單先$360baht 步行街路上嘅其他餐廳，睇落都幾唔錯啵 之後我哋順路去到隔離街嘅pai郵局，使唔使連郵筒都咁cute呀！ 連正經嘅政府嘢，都整到咁得意！ 怪唔知得個個都要專登黎影下相睇下啦！個巨型紅色郵筒好卡通好得意啊！ 之後我地開車黎到the container，喱度係一間唔影唔嬲嘅咖啡店，外面有個五顏六色小屋，不過唔知做乜封咗 外面又有一個英式巨型電話亭，其實無實際用途，都係影相道具 五顏六色嘅招牌對出嘅開放範圍(旁邊就系馬路)，仲整咗個專用吊椅影相位 地方大真係唔同的，好明顯都唔係為賺錢嘅。我地又set腳架自拍 一堆五顏六色擺設 蛋形吊椅 店入邊嘅彩色鐵籠吊椅，好好坐好舒服啊 地下呢層有十張吊椅左右 我地兩個用$20baht(港幣五蚊)，買咗一罐可樂兩份飲，就系度玩咗成個鐘…… 都有少少唔系太好意思，齋玩無幫襯，不過其實完全冇人比面色我地睇，冇人理我地 以後我地上二樓，呢度有十幾張吊椅，成間鋪得廿張櫈，飲品又多十幾廿蚊杯，所以好明顯佢地並唔系為賺錢嘅！ 有少少懸浮feel 營造半空打坐feel 彩色牆壁 竹棚都要將佢油成彩色 the container馬路對面嘅hillside coffee house，一樣有大公仔系門口，好大杯咖啡啊！ 點解成個鎮都咁卡通架？！I'm in PAI！ hillside coffee house嘅指示路牌一樣咁卡通 之後再開車周圍兜，發現咗間好靚嘅粉紅色小屋，即刻停車影下相 門口仲擺左架粉紅色嘅jeep，我哋馬上set腳架自拍 粉紅色牛牛門牌 費事齋影冇幫襯，入去買嘢飲，點知原來無飲品賣，咁我地坐低食下雪糕先 店內座位 之後我地再來到baan kung kang de pai resort，睇大風車！睇個招牌就知道，入面又系童話風格啦 resort入面嘅一幅佈景板，我生咗對翼啊！ SWEET SWEET 喱度系以糖果屋為主題，房間有幾款，有叫做lovely,cutie,sweetie 房間外面有好多巨型糖果公仔，的確sweet到爆 終於嚟到佢地嘅大風車，哇個天突然間黑到啊！！ 每一間房嘅擺設都相當可愛。我地兩個人黎影相，都無人理我地 一排嘅童話風格小屋 哇，落雨喇！冇鞋挽屐走，往romance another story途經嘅農田 一黎到 romance another story ，剛好即刻落大雨。我地叫兩杯野飲坐低hea下先，喱杯喺士多啤喱smoothie reception同cafe店內，養左兩隻得意貓仔 落雨無得出去牧場睇牛羊，咪留係室內係咁同佢地玩 佢好好奇咁整我條相機繩 佢地應該係兩兄弟，佢兩個好friend，打黎打去 貓仔一見吊住郁郁下嘅野都會伸手去捉 佢唔知做乜企系度呆咗 坐響梳化同佢地玩 bar枱位，有落地玻璃都幾靚啦，擺設仲係走復古風格 兄台，個梳化係咪好好坐呢 飲住嘢等停雨出去玩 阿燒又同d貓仔玩 唔理佢佢都會自己走上黎 復古風嘅大廳 終於停雨啦，即刻出去行下 romance another story嘅環境好原始四圍都係農田 幾鍾意呢個romance牌 羊咩出沒注意 可以餵羊嘅小牧場，因為天雨關係，d羊已經返曬入去室內，今日無得餵啦 個員工好好人，俾我入去望下佢地，羊咩仔好得意 本身用黎餵養嘅牧場範圍 冇得餵羊，有d失望，走lu。去入油先，入滿都係$770baht，哇抵到爛啊 去對面水果檔買生果食，唔好啊我唔要食榴槤啊 切好咗嘅包裝水果 食哈密瓜同番石榴 黃昏時分又未肚餓，決定這去我哋酒店phu pai resort去泳池游水！唔好誤會呢個系bb池姐，成人池好大架 田園無邊泳池，正 田園無邊泳池，正 遊住水等日落，爽歪歪 我哋兩個獨佔一個泳池，真係打橫游打直游都得啊，我飄啊…… 天黑又去返步行街，搵呢間車仔檔print自己d相做postcard 個車仔檔是咁的，$100baht就可以整三張，幾分鐘搞掂 製成品 求其揾間環境靚嘅餐廳食飯，呢個係泰式海鮮粉絲 海鮮炒飯，加埋兩杯飲品埋單$260baht，平到爆啊！ 繼續響路邊掃街，燒粟米 再買串燒 燒粟米好味到爆啊