2013沖繩四日三夜自駕之旅行程

沖繩四日三夜之旅行程

7,8月我d遊記update得好慢，因為上次馬爾代夫返嚟之後返工又好忙，而中間呢一個月，又去左兩次峇里島玩潛水（完全未有時間寫返blog），堆積如山嘅遊記啊，我真係要快手少少，唔係下一次旅程又來，我唔想爛尾啊！唉yahoo blog又就玩完,我都好糾結應唔應該響yahoo完成埋個沖繩之旅,不過唔理喇,打左先,backup同搬家既事就再諗諗啦,大家有無好介紹??

差不多一兩年一度嘅沖繩之旅又來喇，今次已經係我第三次來沖繩玩。其實唔係專登話年年都要來，但其實日本無論個地方、食物、人，樣樣都正，加上日本yen依家又平，沖繩又有陽光海灘，又近近地兩個幾鐘機就到，又可以自駕遊，總總加埋，真係無比吸引。所以短短三 6085;假就出發！琉球我來了！！今次我人多勢眾，一行五人，人物有我，rachel，呀燒及其兩個細妹，他們三個，早幾個月上網買到平機票，沖繩香港來回票價$1264一人連稅。我同rachel機票平就一定啦，哈哈，係咪抵去先？！

事先聲明，今次旅程並非平時常做的窮遊！（當然我又冇豪使）

由於都唔係第一次來，行程上會比較少觀光，比較著重飲食、買、玩樂，活動重點就係去靚海灘游水浮潛玩水，上次同媽媽來完全乜都無食，又唔比買野，太窮遊，無啖好食，令我以為沖繩無野食無野賣(呢個觀念大錯特錯，今次之後我完全改觀)。今次嘅旅程我地對食方面 371;比較有要求，唔會特別慳錢(當然唔會特別大洗)，我要食美味日本野！我要食嘅有燒肉、火鍋、壽司、拉麵！！我已經上網搵定邊間好食！希望全部都有機會食到！今次budget:$4500hkd內全包，希望達標。(其實勉強都算達標，係最後因為買了兩個coach手袋而over budget，如果唔係我真係用左四千五炸！最後我total用了$6550連食玩買住機票)

住宿方面，我地今次選擇咗住響中部，唔會好似對上兩次住國際通，因為本次行程一路向北，要去嘅地方靚沙灘同埋小島都響中部同北部。今次三晚都住埋同一間酒店，由於正值旺季，我們太遲上網訂房（出發前兩星期）,所以中部嘅住宿已經好少選擇，我地訂左響中部沖Ń 61;市一間叫yoshida hotel嘅酒店，book左一間雙人房$540hkd和三人房$678hkd，價錢已經算係最抵，因為其他都好貴，咁當然這間酒店設備都一般般，無wifi，無早餐包含，無電梯要行樓梯(兩層啫)，而且都已經有幾十年歷史會比較殘舊，不過重點係乾淨就可以啦，我滿意架喇。

今次消費條數好亂，因為人多。今次唔需要慳錢，有購物，有美食，正！不過到最後其實我都唔係用左好多錢姐:）

四日行程計劃：

16/8/2013 Day1 約下午三點到達沖繩，先去租車公司取車-萬座毛-殘波岬日落-御果子御殿-超市購物-hotel check in-燒肉五苑

17/8/2013 Day2 沖繩美麗海水族館-古宇利島-超市-藥妝店-美國村晚餐

18/8/2013 Day3 青洞浮潛-國際通逛街-通堂拉麵-超市

19/8/2013 Day4 ashibinsaa outlet-超市-還車-機場坐飛機返家